時尚健康2007年第一期,就有小弟嘅專訪,唔知你地有無人買到黎睇呢?,買到就好好收藏,買唔到睇住我放上黎啲相先,想睇埋個訪問,真係要出去搵吓先得......重唔拿拿聲去.    服裝提供: Subcrew & 5cm    髮型: Vic   化裝: 阿B

馬不停蹄都可以形容我最近嘅電影工作,剛剛完咗兩部,新一部又開喇,都是"狗咬狗"的老闆投資,套戲叫"蠍子".今次都要打,重話要同梁小龍大哥打.....我又要開始`做健身!唔打得都嚇得嘛,戲裡面重有好多靚女,有黃伊汶,日本專程嚟嘅~.水野美紀.夏木奈奈.

電影"嚦咕嚦咕對對碰"首映,話咁快就喺24/1舉行咗,睇返又幾開心過引,到1/2正場上映時我都會睇多次,睇吓會唔會見到我坐你隔離......哈哈

快喇快喇!電影"嚦咕嚦咕對對碰"就上喇,旺角商場宣傳就完左,多謝當日捧場嘅朋友.希望首映都見到你地........

電影"嚦咕嚦咕對對碰"煞科,2007年1月24日首映,2007年2月1日上映,大家有時間就捧捧場.

祝大家聖誕快樂! 24/12小弟就同一班DJ在CLUB MAGAZINE 同大家一齊過聖誕,PARTY一玩就到第朝早8點.一個字~正.多謝各位好友捧場......下次再玩過.

 

 

16/12帶住軟弱無刀力嘅身軀去珠海賽車,因為早兩日開工用到盡哂,一落船即去車埸參加排位賽,盡左力都好,排第七.  17/12又一早落到車埸,試左六個圈,成績比16號個日最快時間重慢左成秒幾,可能真係太累,立刻試試快差,ok!一個勁字......最後幸運之神重上埋我架車,最後以第三名過終點取得季軍,冠軍係錢嘉樂,亞軍係吳嘉樂,香港藝人隊都算醒................(重有啲片睇 呀!自己去睇喇!)

雖然今次未能帶走台灣金馬獎,但是帶走了在台灣一大份的友誼,多謝台灣所有所有的朋友,多謝你們熱情的招待和支持,我會更加努力,希望有一天我能親手拿走它,在這裡多謝一直在網絡上支持我的朋友,其實大家才是我心目中的英雄.各位朋友和無名英雄.小弟再三感謝你們,無言感激!!!!!!!!!

10月尾去左上海行ｓｈｏｗ，幾好玩架．不過得一張相，幾型仔架！！

真係好開心,可以提名今届台灣金馬獎男主角,喺度多謝大家嘅祝福同祝賀,我會以最形最佳狀態出席.23/11台灣金馬獎見.

今次趁到北京配音,我一完左配音,就去做一條好漢,"行長城",我就終於做左好漢,你做左未呀?睇完我條片,考慮吓囉!http://www.youtube.com/watch?v=9XvJl14fuWg

 

Yo!早前9月27日，為記念當日ｐａｒｔｙ，同埋小弟沖出三十生日大喜日子，Subcrew與Andsuns合作設計左頂帽，限量５０頂，當日已送哂出去，我為左答謝ｂｌｏｇ友同各路朋友對我嘅支持，我留左一頂送俾大家．只要你喺２００６年１０月１５日前，用張紙寫低你嘅簡介同聯絡地址，電話，寄俾我，我就抽一個幸運朋友出黎．到時就有歡樂先生聯絡你點領取，睇清楚個地址快啲寄黎：九龍旺角廣東道１１４３號協和工業大廈３樓

行過路過千奇唔好錯過,遊戲天王相簿加左料,有時間就好黎睇!可能今次係最後一次加相,因為唔俾映......

今日由朝映到晚.由香港島映到九龍.可能你有朋友晚上七點見到我在尖沙咀走來走去.映咩!香港報紙檔無得賣嘅雜誌.係日本雜誌.係唔係好想睇呢?俾幾張大家睇住先......哈哈過相簿度睇啦.

9月1日係各位學生哥哥仔,姐姐仔開學嘅大日子,亦係小弟嘅大日子,終於可以自由自在做自己嘅娛樂事業,同埋繼續創作自己品牌Subcrew,希望在未來日子裡可以拍多啲好正電影,造多啲靚衫,靚衭俾大家買黎著.哈!重有9 月7日(星期四)10:30晚上,記得睇TVB~遊戲天王,梗係有我鋼牙王主持啦........咁你地當然要支持吓我們!

小弟萬二分感謝你抽空入黎睇吓相,留吓言,打發吓時間,希望唔會悶親大家,得閒就黎坐.